Últimas novas

Tras o éxito de Santiago, "Os nenos da varíola" preséntanse en marzo en Ponteareas, A Coruña e Marín

Tras o éxito de Santiago, "Os nenos da varíola" preséntanse en marzo en Ponteareas, A Coruña e Marín

A libraría Cronopios de Santiago de Compostela quedou pequena para albergar ao gran número de persoas que acudiu á presentación de “Os nenos da varíola” de Maria Solar. A autora estivo acompañada polo director da editorial Galaxia, Francisco Castro, e o decano de Medicina, Juan Gestal. Entre os numerosos asistentes encontrábase unha representación da Asociación Isabel Zendal, presidida por Pilar Farjas. Gestal, catedrático de Saúde Pública, fixo unha amena descrición epidemiolóxica da varíola ao longo da historia con gran número de curiosas anécdotas.

Santiago homenaxea aos 5 nenos que saíron do seu orfanato na Expedición Balmis

Santiago homenaxea aos 5 nenos que saíron do seu orfanato na Expedición Balmis

Con motivo da publicación de “Os nenos da varíola” de María Solar, o Hostal dos Reis Católicos de Santiago de Compostela, antigo Hospital Real, homenaxeou aos 5 nenos que saíron da cidade en 1803 para formar parte da Real Expedición Filantrópica da Vacina, levando a vacina da varíola ao Novo Mundo.

María Solar publica o 9 de febreiro a ficción histórica "Os nenos da varíola"

María Solar publica o 9 de febreiro a ficción histórica "Os nenos da varíola"

Baseado na historia real da Real Expedición Filantrópica da Vacina. Narra a historia dos 22 nenos de Madrid, A Coruña e Santiago que formaron parte da cadea humana que en 1803 levaron “brazo a brazo” a recentemente descuberta vacina da varíola ao Novo Mundo. O libro publicarase ao tempo galego con Galaxia, en castelán coa editorial Anaya (Los niños de la viruela), e catalán con Bromera (L´expedició do doutor Balmis).

O libro "Teño uns pés perfectos" de Maria Solar entra na prestixiosa lista The White Ravens

O libro "Teño uns pés perfectos" de Maria Solar entra na prestixiosa lista The White Ravens

Se o ano pasado foi “O meu pesadelo favorito” este ano María Solar consegue entrar na prestixiosa lista The White Ravens dos mellores libros infantís do mundo con “Teño uns pés perfectos”. Publicado na colección Sete Leguas de Kalandraka, entra así na selección The White Ravens 2016 pola Internationale Jugendbibliothek de Munich, que elixiu 200 obras de 60 países para formar parte desta selecta escolma dos mellores libros infantís e xuvenís. O comité de selección destacou que María Solar aborda nesta obra un aspecto tan “novidoso e inusual” como os pés, dando como resultado un libro “informativo e entretido”. Os especialistas da Internationale Jugendbibliothek tamén destacaron o “enxeño” das ilustracións do arxentino Gusti, que invitan os lectores a “fixarse máis” nesta parte do corpo.

Os nenos da varíola

Os nenos da varíola

Baseada na historia real dos 22 nenos orfos da expedición Balmis que levaron no seu corpo a vacina da varíola a América

As horas roubadas

As horas roubadas

A morte dun ancián cunha mensaxe na súa man, «Dime que me queres», destapa unha pasional historia de amor que nunca terminou. Ambientada na confusa España de 1979, dous anos antes de aprobarse a lei do divorcio, dúas familias vense arrastradas por ese vello secreto e pola necesidade de cambiar as súas vidas.

Persoas que dominan ou que son dominadas, rutinas que matan o amor, infidelidades que ven a luz, adolescentes que descobren o sexo e a traizón... Unha novela de sentimentos que envolve ao lector nas súas páxinas e que lle leva a coñecer personaxes inmersos nunha época, non tan afastada, na que vivir sen ataduras era unha tarefa pendente.

Unha novela coral que nos leva a través da vida de tres xeracións para demostrar que non hai idade para o amor, e que cando as cousas non cambian pola nosa vontade, algo insospeitado pode facelas cambiar. Para sempre.

Proximamento en POLONIA con Kobiece
Teño uns pés perfectos

Teño uns pés perfectos

Melchor Sabichón preséntase ao concurso «Na busca do neno máis listo» pero, malia ter preparado moitos e moi sesudos temas, non esperaba enfrontarse a unha materia descoñecida: os pés. O protagonista atopará nun libro todo canto necesita saber sobre esas extremidades inferiores: os tipos de pés, a súa anatomía e a función que cumpren para que poidamos camiñar e correr, o número de ósos que teñen, curiosidades sobre as unllas ou as pegadas que deixamos…

Promo Las horas robadas

Ségueme en...