O libro de María Solar gañador do Premio Xerais de Novela 2022 chega ás librerías neste mes de novembro uns días antes de que se faga a entrega dos galardóns. O acto terá lugar no Museo do Mar de Galicia en Vigo o próximo día 12 de novembro.
No próximo ano tamén verán a luz as traducións de ‘A culpa’ ao castelán e catalán da man da editorial Contraluz. O selo fará o lanzamento da obra no mes de marzo de 2023.
Trala entrega do premio está previsto tamén que a autora realice presentacións da obra en varias cidades e vilas galegas. O calendario irase actualizando nas redes sociais da autora e de editorial Xerais. A primeira será o mércores 16 de novembro en Santiago de Compostela.
