O próximo 16 de marzo chegará ás librarías ‘La Culpa’, en tapa dura e cunha coidada edición de Editorial Contraluz. A tradución da obra, premiada co Xerais de novela e que contou cunha excelente acollida entre o público en Galicia, foi realizada por Susana G. Ducrós.
Chega así agora a toda España esta historia de dúas mulleres atadas por un crime na que as culpas son omnipresentes. A historia de Marcela e Mirtha Val, aparece na vida de Amanda a través da herdanza dunha descoñecida. O que Amanda descoñece é que con esa fortuna tamén herdará as súas culpas.
Un thriller psicolóxico que se converteu nun dos libros máis vendidos de Galicia.
