“A culpa” estivo presente no Sant Jordi deste 2023 nas súas traducións a catalán e castelán. María Solar participou en nove paradas con sinaturas desde as dez da mañá ata as nove da noite, nunha edición sen máscaras, en domingo e cun tempo excepcional que recuperou ao seu público habitual e multitudinario desde primeira hora da mañá nesta extraordinaria cita entre os autores e o seu público en Cataluña.
A autora puido atoparse cos seus lectores nas paradas das librerías Abacus, Laie, Punt i Apart, ONA, Fnac, Espai Crises, Alibri, El Corte inglés e Casa del Libro, así como participar xunto a autores de Contraluz como Inma Chacón, na velada previa que La Vanguardia organiza cada ano na súa famosa festa de Sant Jordi.
A cita de Sant Jordi abre o calendario de feiras á que a autora asistirá en Galicia e Madrid.
