Os lectores da revista dixital Fervenzas Literarias elixiron por votación os mellores libros do 2017. Entre eles destacan “Os nenos da varíola” de María Solar como mellor libro xuvenil de 2017. A portada do libro, publicado pola editorial Galaxia, tamén foi destacada como a cuarta mellor do pasado ano.
“Os nenos da varíola” é ademais o libro máis vendido do ano en Galicia e atópase como finalista na súa edición en catalán en dous premios en Cataluña, o Premi de Literatura Protagonista Jove do Consell Català do Llibre Infantil i Xuvenil (ClijCAT) e do premio Menjallibres.
