María Solar regresa ás librarías neste mes de febreiro con “Adeline”, finalista do Premio Jules Verne de novela xuvenil. Trátase dunha homenaxe a “Carmilla”, a primeira novela do xénero vampírico, escrita 25 anos antes de Drácula. “Carmilla”, escrita por Joseph Sheridan Le Fanu, foi un fito na novela gótica de terror. Unha novela valente e atrevida protagonizada por unha vampira adolescente que seduce a outra rapaza da súa idade.
María Solar crea agora a “Adeline”, situando na actualidade, entre Madrid e Verín, e afondando en temas como a saúde mental, o amor, ou hipocrisía social, sen perder a aventura, propia do universo vampírico.
A novela verá a luz en tres idiomas neste mes de febreiro: o orixinal galego coa editorial Xerais, a tradución ao castelán con Anaya e ao catalán con Bromera.